Domani

næstum búin…

hlakka svo til…

get ekki einbeitt mér …

bráðum tími til að hitta börnin, hitta Kallann minn, hitta vinkonurnar, hitta fjölskylduna, lesa, horfa á sjónvarpið, baka, fara í bústað . . . . . . . .

arghhhh

verð….

að ….

einbeita …..

mér …..

hætta ….

að…..

blogga….

fara…

að….

læra….

Éghlakkasvotiléghlakkasvotiléghlakkasvotiléghlakkasvotiléghlakkasvotiléghlakkasvotiléghlakkasvotiléghlakk

asvotiléghlakkasvotiléghlakkasvotiléghlakkasvotiléghlakkasvotiléghlakkasvotiléghlakkasvotiléghlakkasvotilég

hlakkasvotiléghlakkasvotiléghlakkasvotiléghlakkasvotiléghlakkasvotiléghlakkasvotiléghlakkasvotiléghlakkasv

otiléghlakkasvotiléghlakkasvotiléghlakkasvotiléghlakkasvotiléghlakkasvotiléghlakkasvotiléghlakkasvotiléghlak

Varasamar þessar kengúrur!

Ég er að læra og það er ekki eins leiðinlegt og sumir myndu halda.

Var að lesa sögu um endurnýtingu kóða í forriti:

Forritarar fengu það hlutverk að gera hermi sem sýndi viðbrögð kengúra þegar þyrlur fljúga yfir svæði þar sem þær væru.  Þeir tóku hermi sem sýndi viðbrögð landgönguliða við þyrluáras og breyttu þremur hlutum, þeir breyttu hermönnum í kengúrur, hröðuðu hreyfingum og þeir breyttu líka úr attack mode í “hörfa”.  Svo kom að því að sýna þennan fína hermi.  Þeir settu herminn í gang og þyrlurnar flugu yfir kengúruhópa.  Eins og til var ætlast þá hlupu kengúrurnar í skjól en skutu svo upp kollinum innan um hóla og runna og hófu skothríð á þyrlurnar.

Forritararnir höfðu gleymt að afvopna kengúrurnar og þær notuðu default vopnin sem af einhverjum ástæðum voru marglitir strandboltar.

Kengúra eftir vel heppnaða heræfingu

Ýkt gaman

Loksins er ég búin að finna sport sem hentar mér,

Extreme Ironing!!

Upp’á fjalli,

on’í sjónum,

hangand’í bandi

Vonandi skemmtið ykkur vel!

Klapp á bakið!

Ok

MEYJA 23. ágúst – 22. september
Reyndu að viðurkenna fyrir sjálfum þér að þú virkilega þarfnast vinskapar. Prófaðu síðan að klappa vinum þínum vinalega á bakið, eða segja það hreint út að þér þyki vænt um þá.

Mér þykir rosalega vænt um ykkur!

og þið sem eruð í tvíburunum hér eru skilaboð til ykkar

TVÍBURAR 21. maí – 20. júní
Nú er tími partíanna. Þá eru allir uppteknir við að skipuleggja næstu mánuði og hversu rosalega skemmtilegir þeir eiga að vera. Gerðu það líka og gerðu ráð fyrir að bjóða vinum þínum með í stuðið.

Og munið tvíburar mér þykir rosalega vænt um ykkur!

Hr. Karlsson

Á föstudaginn beið bréf til sonarins frá Þýskalandi. Mér fannst þetta svolítið einkennilegt að 6 ára barnið væri að fá bréf frá einhverri þýskri konu sem ég kunni engin deili á svo ég ákvað að opna. Bréfið var sem sagt til hr. Karlssonar frá konu sem hafði þekkt nafna hans í Þýskalandi fyrir 42 árum síðan. Hún var sumsé að leita að manninum því hún er á leið til landsins. Nú ég ákvað að kíkja í þjóðskrá og athuga hvort ég fyndi manninn. Viti menn, það var bara einn fæddur á réttu ári og netfangið hans poppaði upp þegar ég googlaði hann. Ég sendi frúnni tölvupóst með upplýsingunum og fékk svo póst nokkrum tímum seinna. Réttur maður fundin og hún alsæl. Sniðugt þetta internet!

Frábær auglýsing . . .

 Þetta er heilsíðu auglýsing í fréttablaðinu.  Frábært!  En hvar er þessi staður þar sem tekið er við tilboðum og boðið upp á vöfflur og kaffi?

Það er gott að eiga sér draum . . .

Ok það var náttúrulega soldið skotið yfir markið að kalla Smáralindarbæklinginn klám en mætti ekki frekar tala um það hvernig stöðugt er verið að sýna stelpur alveg niður í barnsaldur sem kynverur í auglýsingum.  Ég verð að segja að mér finnst það frekar erfitt að unglingurinn dóttir mín sé stöðugt að sjá stelpur á sínum aldri og yngri í því ljósi í auglýsingum og fjölmiðlum.  En það er ekki klám mér finnst það bara óviðeigandi.

Nú svo er það þetta mál:

Mr. Gabbana segir að þessi mynd vísi í erótískan draum eða leik.  En ekki hvað?  Öll hefur okkur dreymt þennan draum ekki satt?

Og það er allt vitlaust á Ísafirði út af þessari

Ætli þetta sé þessi sami draumur?

Æ ég veit ekki.  Ætla að klára Magicinn minn og reyna að vinna soldið.  Passa sig að sofna ekki maður vill nú ekki að draumarnir nái manni.

Færeyskar stjörnuspár, trúir og dauðadómur yfir hjónabandi okkar Kalla . . .

 

Maður fer nú bara að spyrja sig hvort þeir séu með færeying í stjörnuspánum þarna á Mogganum.

Meyja: Samband fer frá því að vera heitt og skínandi í það að vera mun jarðbundara. Það gætur ýmislegt gerst á þessu breytingaskeiði en það sýnir bara jákvæðan þroska.

Steingeit: Þér finnst einsog verk sem þú tókst að þér fyrir löngu síðan stjórni þér núna, og að þú hafir ekki lengur neitt val. En þú hefur alltaf vel. Ef þú gerir þér grein fyrir því, ættirði að sjá fleiri möguleika í stöðunni en áður.

Sumt fólk trúir því sem trú þeirra boðar, aðrir búa til trú úr því sem þeir trúa. Hvorum flokknum sem þú tilheyrir, þá verður hrist upp í þessum trúum af alheiminum sjálfum með hjálp sólarmyrkva í fiskamerkinu. Einungis sterkurstu hugmyndirnar munu lifa af enduskoðun vikunnar! WOTT!!!!!

Nú svo stóðst ég ekki mátið og athuga hvað trúirnar segja um samband okkar Kalla:

MEYJA og VOG
Meyjan fellur undireins fyrir Voginni, enda er Vogin þægileg í umgengni, greind og skemmtileg. Hún á hins vegar bágt með að þola nöldur, smásmygli og gagnrýni og flýtir sér burt, frekar en að lenda í deilum. Sambandið gæti heppnast ef Meyjunni tekst að hafa hemil á smámunaseminni, en það er hætt við að það verði skammvinnt.

Já ég er skemmtileg!

Hver vill líka vera skemmtilegur?

Meyja: Fólkið í kringum þig er ekki að leyta til þín svo þú skemmtir þeim. Það vill öryggi og betra líf. Það er eitthvað sem þú getur veitt, og það gerir þig svo sannarlega aðlaðandi.

Frábærir þarna á Mogganum, maður þarf ekki að leyta lengra að góðri stjörnuspá.

Evróvision klám

Ok ég gerði mér svo sem grein fyrir því að einhverjir myndu ramba á síðuna mína með því að slá inn orðið sem okkur öllum er orðið svo tamt, klám, í leitarvélina. En að einhver væri að leita logandi ljósi að Evróvision klámi og rataði þannig á þetta blogg. Það grunaði mig aldrei, mig grunaði náttúrulega ekki að til væri fólk sem leitaði að Evróvision klámi en hver sem það var þá vona ég að Abba myndin hafi glatt hann/hana.